18 yaşı tamam olmamış vətəndaşlara ümumvətəndaş pasportunun verilməsi qaydaları.

PASPORTLARIN YENİLƏNMƏSİ  

Azərbaycan Respublikası konsulluğunun dairəsində qanuni əsaslarla daimi yaşayan və Azərbaycan Respublikasının konsulluğunda konsul uçotunda olan Azərbaycan Respublikasının vətəndaşları etibarlılıq müddəti başa çatmış və ya boş viza səhifələri qalmamış ümumvətəndaş pasportlarını Azərbaycan Respublikasının konsulluğu vasitəsi ilə dəyişdirərək yeni pasportlar ala bilərlər.

Ümumvətəndaş pasportunun etibarlılıq müddəti bitdikdə, yaxud vətəndaşın soyadı, adı, atasının adı dəyişdikdə və ya pasport, o cümlədən onun elektron daşıyıcısı (çip) yararsız hala düşdükdə, pasport dəyişdirilməlidir.

Pasportlarının yenilənməsi üçün müraciət edən vətəndaşlar aşağıdakı sənədləri təqdim etməlidirlər:

18 yaşı tamam olmamış vətəndaş:

1. vətəndaşın şəxsiyyət vəsiqəsi ( etibarlılıq müddəti olan )
2. müraciət edənin valideynlərinin və ya qanuni nümayəndələrinin şəxsiyyət vəsiqələri. ( etibarlılıq müddəti olan )
3. 18 yaşına çatmamış uşaqların valideynlərinin və ya qanuni nümayəndələrinin razılığı,(valideynlərdən biri burda olmadıqda digər valideynə verilən etibarnamə əgər etibarnamə başqa dildədirsə tərcümə və apostilli şəkildə təqdim edilməlidir ) valideyinlərin nikah haqqında şəhadətnaməsi, nikah pozulduğu halda nikahın pozulması haqqında şəhadətnamə və ya məhkəmə qərarı, Yuxarıda qeyd olunan sənədlər olmadığı təqdirdə ananın tək analıq sənədi ( Forma 4).

Qeyd : Pasport 15 yaşı tamam olmamış vətəndaşa verildikdə: valideyn himayəsindən məhrum olmuş uşaqların övladlığa götürəninin, himayəçisinin və ya qəyyumunun hüquqlarını təsdiq edən sənəd (əgər sənəd başqa dildədirsə tərcümə və apostilli şəkildə təqdim edilməlidir )

müraciət edənin himayəçisinin və ya qəyyumunun şəxsiyyət vəsiqələri. ( etibarlılıq müddəti olan )

18 yaşı tamam olmamış vətəndaşa ümumvətəndaş pasportu verilməsi haqqında ərizə-anket .  

QEYD:

• Vətəndaşların nəzərinə Türkiyə Cumhuriyyətində müvəqqəti və daimi yaşayış üçün icazə vəsiqəsinin ( oturma izni ) vaxtının bitməsinə 90 gün qalmış müraciət etməyiniz tövsiyə olunur.
• Ümumvətəndaş pasportu 1 yaşınadək uşaqlar üçün bir illik müddətə, 1 yaşından 3 yaşınadək uşaqlar üçün üç illik müddətə, 3 yaşından 18 yaşınadək uşaqlar üçün beş illik müddətə, 18 yaşına çatmış        şəxslər üçün isə on illik müddətə verilir.
• sənədlərin tərtib edilərək müvafiq dövlət orqanına göndərilməsi üçün 25 ABŞ dolları məbləğində dövlət rüsumunun ödənilməsi haqqında qəbzin əsli.
• Azərbaycan Respublikasında ödəniləcək dövlət rüsumunun məbləği:

  bir yaşınadək uşaqlar üçün - 15 manat;                                                        

  bir yaşından üç yaşınadək uşaqlar üçün - 25 manat;                                   

  üç yaşından on səkkiz yaşınadək uşaqlar üçün - 35 manat;                            

  on səkkiz yaşına çatmış vətəndaşlara - 60 manat.